Helpful Tips Laban sa Lindol Ating Alamin

Ano nga ba ang lindol? Ang lindol ay ang pagyanig ng lupa. Ang episentro nito ay ang lugar na direktang sentro nang pagbuka ng lupa. Maaring magdulot ito ng pagguho ng mga gusali, pagkawasak ng mga ari-arian, pagtaas ng tubig sa karagatan o tsunami, at higit sa lahat pwedeng pagsimulan ng pagkawala ng maraming buhay.

Helpful Tips During Earthquake

Bago pa man magkalindo dapat ay lagi tayong alisto, handa at magsiguro sa ating kaligtasan sakaling magkaroon ng lindol. Ito ang ilan sa aming tips para dito.

1. Kailangan alam natin kung anong bahagi ng bahay ang ligtas na tigilan sa oras ng lindol.
2. Lumayo sa mga kasangkapan na maaring bumagsak tulad ng kabinet, aparador o lalagyan ng mga libro. Lumayo din sa mga bintanang salamin.
3. Patayin kung may apon ang kalan at isara ang mga de-gaas na kagamitan. Isara din ang pangunahing switch ng gas at ng kuryente.
4. Tiyaking makakalabas ng bahay kaya buksan ang mga bintana at pintuan. Dumapa at magtago sa ilalim ng mesa. Takpan ng unan ang ulo upang maprotektahan.
5. Kung abutan ng lindol sa paaralan, magtago sa ilalim ng upuan o kalmanteng lumabas at dumapa sa palaruan.
6. Kung sa labas ng bahay ay inabutan ng pagyanig. Humanap ng lugar na malayo sa mga gusali, mga puno at poste ng kuryente. Dumapa at hintaying matapos ang lindol.
7. Kung abutan ng lindol sa loob ng sasakyan, manatili sa loob nito. Hintaying matapos ang pagyanig. Hindi rin ligtas sa overpass kaya lumayo sa mga ito.
8. Kung sakaling may paparating na tsunami, dali-daling umakyat sa mas ligtas at mataas na lugar.
9. Pagkatapos ng lindol, suriin ang sarili at mga kapamilya kung may nasaktan at bigyan agad ng pang-unang lunas.
10. Sa panahon ng lindol at iba pang sakuna, ang mga pampublikong paaralan at mga gusali ay nagiging evacuation center. Alamin kung saan naroon ang mga ito.

Mahalaga din na makinig sa transistor radio upang makatanggap ng balita at impormasyon kung ano ang nararapat gawin. Maging kalmante. Bagama't hindi makaiiwas sa lindol. Alam natin na malaking tulong ang mga impormasyong nabanggit sa itaas. Gayunman ay nagdarasal tayo na huwag na sanang lumindol pa.