Labis Na Pagpupuyat Sa Gadgets Masama sa Kalusugan

Dumarami na naman ang nahihilig sa mga gadget tulad ng cellphone at ginagamit pa itong pampa-antok. Pero sa halip na makatulong sa pagtulog posibleng makataba pa daw ito?

Ang bansag sa Pilipinas na “Texting Capital” at taguri sa Makati bilang “Selfie Capital of the World” ay ilan lamang sa katibayan sa labis na pagkahumaling ng mga Pinoy sa mga cellphone at social media.

Bitbit kahit saan, sa hapag-kainan at hindi mabitawan hanggang sa higaan?

Hindi mapagkakaila ng marami na katabi nila sa pagtulog ang kanilang mga gadget.

• Sa Amerika nga 9 sa bawat 10 ang napag-alaman na isang oras pang gumagamit ng technological device tulad ng cellphone o di kaya nanonood ng T.V. bago matulog.
• 6 naman sa bawat 10 ay natutulog na katabi ang cellphone.

Sa pag-aaral ng isang lightning research center sa New York ang kada dalawang oras na exposure sa liwanag ng ilaw ng electronic device isang oras bago matulog nababawasan ang paglabas ng hormone na melatonin na nagpapa-antok. Ibig sabihin mas nagigising ang diwa imbes na antukin ang resulta puyat, panira ng diet at nakakataba!

Hunger hormone kasi ang siyang nagpapalakas ng gana o nagpapakalam ng sikmura tuwing nagpupuyat.

Kaya naman payo ng eksperto, ano mang ginagawa mo isang oras bago matulog ay isantabi na lamang para mas mahimbing ang tulong, nasa tamang eating pattern, at subukan din magpatugtog ng mga nakaka-antok na musika bago matulog.