Ulat Panahon Ngayong Friday March 07, 2014

Nakakaranas ng pag-ambon o mahinang ulan ang Metro Manila ngayong araw. Sa datus na nakalap ng PAGASA,magpapatuloy ito sa tanghali at hapon.
Ito ay epekto ng hanging Amihan na mula Luzon ay abot pa rin hanggang Visayas.

May mga kaunting ulap na namataan na posibleng magdulot ng manaka-nakang ulan sa malaking bahagi ng Luzon kabilang na ang CALABARZON.

Sa Visayas pinaka-apektado ang probinsya ng Cebu, Leyte, at Samar.

Habang sa Mindanao asahan ang pag-ulan sa Western section.

Bunsod ng Amihan, nakataas ngayon ang Gale Warning sa eastern seaboad. Kasama na rito ang southern Luzon at eastern Visayas.

Pinapayuhan din ng PAGASA ang mga maliliit na sasakyang pandagat na iwasan muna ang pumalaot sa mga apektadong bahagi ng tubig dahil sa matataas na alon.